تعلم قراءة الوقت باللغة الانكليزية
قبل ما نبدأ في الطريقة السهلة، حاول تقرأ الأرقام مثلاً: 6:20
راح تقراها: six twenty
أما بالتفصيل، ركز هنا:
أولاً: أكو كلمتين لازم تعرفهم
كلمة past / معاناها (و)
كلمة to / معناها (إلا)
تمام هسه عرفنه أهم كلمتين.
ثانياً: حتى تعبر صح لازم تبدأ من الدقائق، يعنى إذا الساعة بالخمسة وعشرة، تبدأ بالعشرة وبعدين الواو وبعدين خمسة
شلون يعنى؟!
5:10
تنكتب بهالطريقة:
ten past five
الدقائق بالأول وبعدين الساعات.
ثالثاً: أكو كلمتين اللي هما الربع والنص
الربع: quarter
النص: half
يعنى إذا عدنا خمسة وربع تنكتب:
quarter past five
ونفس الفكرة إذا عدنا خمسة إلا ربع، تنكتب:
quarter to five
رابعاً: بعد الخطوات السابقة راح تعرف تعبر عن الساعة باستثناء لما تكون الساعة ونص وخمسة، لأن بالعربي نكولها هيج، لكن في الإنكليزي تصير إلا خمسة وعشرين دقيقة
مثلاً: 9:35
twenty-five to ten
بمعنى باقي خمسة وعشرين دقيقة على الساعة عشرة
فأذا أحد سألك الساعة بيش؟ وكانت مثلاً: عشرة وثلث، راح يصير الحوار التالي:
_ What time is it ?
_ It’s twenty past ten .
٠
الوقت باللغة الانكليزية |
جميع الحقوق محفوظة لموقع الاستاذ احمد مهدي شلال عباس المهداوي على الانترنت