الامتحان الخارجي ٢٠٢١ شرح تفصيلي ٢٠٢٢ مع خطوات التسجيل بالتفصيل

الامتحـانـات الخـارجيـة في العراق

     

 نبذه عن الامتحانات الخارجية. 

 خطوات التقديم على الامتحانات الخارجية. 

        النبــــــــذة           

الخارجي تدرس بالبيت بدون دوام وتمتحن امتحانين  تمهيــدي و  وزاري. 

 التمهيدي بشهر2 و ايام متتاليه بدون عطله ومطلوب الكتاب من الغلاف للغلاف وشرط تنجح ب4 مواد للسادس اعدادي حتى تدخل وزاري. 

الوزاري/ تمتحن وزاري ويه طلاب المدارس وتكون المراكز الامتحانيه شرط بمركز ال لطلاب الخارجي

     خطــوات التقــديــم    

التقديم كل سنه ينفتح شهر 11 

المستمسكات المطلوبه: 

١. الجنسية : اصلية + نسخة استنساخ.

٢. شهادة الجنسية : اصلية + نسخة استنساخ.

واذا عندك موحدة افضل 

٣. صور (12) صورة ذات خلفية بيضاء بقياس 3.5×4.5. مثل صور الجوازات. 

٤. طلب رسمي (فايل يحتوي على استمارة) ، تشتري من باب التربية.

٥. بطاقة السكن.

 هاي المستمسكات خليهن وياك بمراجعاتك للمدرسة و التربية. 

طريقة التقديم 

 اول شي تروح ل التربيه تشتري من باب ال فايل بيه استمارة تقديم امليهه و روح  للمديريه قسم الامتحانات تنطيهم استمارتك راح ينطيك واقع حال و طلب وثيقه.

   شنو يعني واقــع حــال؟    

هذا تاخذه لمدير اخر مدرسة دارس بيها يكتبلك بيه سنه كذا راسب وسنه كذا تارك و سنه كذا ناجح .. حتى يعرفون انت مقبول خارجي لو لا. 

     و شنو طلــب الــوثيقــه ؟    

 هذا تاخذة لاخر مرحلة منتهيه درستها ونجحت منها (يعني سادس ابتدائي لو ثالث متوسط او سادس اعدادي يا الصف منهن نجحت منه اخر شي؟ تاخذ الوثيقة الهم) يسلمونك وثيقتك ، اكو مدارس يكول المدير اني اوصلهه للتربيه لان ممنوع تسليم الوثيقه للطالب هاي عادي همه يدزوها لل .

وراها تكمل اجراءاتك يم التربيه تسلمهم واقع الحال و الوثيقة و المستمسكات و ياخذون 50 الف منك هاي معناها انقبلت وكلشي توب.

  

 تنتظر قبل الامتحانات التمهيديه تستلم باج و من تدخل وزاري بحيل الله بشهر 4 تروح تبصم و قبل الامتحانات الوزاريه تستلم بطاقه امتحان.  

قبل الامتحانات التمهيديه و الوزاريه بأسبوع تراجع التربية تشوف اسمك يا مركز امتحاني بالمدارس ؟ يعلنونها على لوحة الامتحانات بال

من تدخل وزاري و تعبر الامتحانات التمهيدية اهنا صار اسمك ضمن (طلبة السادس) بدون تحديد لا صباحي لا مسائي لا خارجي يعني تطفر طفرة عمرك، بعد محد يدري بيك انت شنو دارس ، اسمك طالب الصف سادس و بس و الك كل الحقوق الي يستحقها طلاب المدارس

و اكو مديريات عدهم مكان بديل للتقديم بسبب الوضع ف لازم كل طالب يراجع ال و يعرف وين المكان البديل ويروح يقدم 

و من تقدم على الخارجي حاول تطول بالك وخلي عندك صبر