منقول من صفحة الاستاذ المشرف التربوي وميض خليل ابراهيم ورقة وقلم وحساب عرب عدد
منقول من صفحة الاستاذ المشرف التربوي وميض خليل ابراهيم
ورقة وقلم وحساب عرب
عدد الايام الدراسية الفعلية للكورس الاول من ١١/١ لغاية يوم ١/٢٠ لان الامتحانات الشفوية لازم قبل اسبوع من التحريري كانت ٥٩ يوم بواقع ١١ اسبوع
اذا شلنا من كل اسبوع يومين باعتبار الدوام ٤ ايام بالاسبوع راح يبقى ٣٧يوم اكيد راح نشيل الاسبوع الاول لان كتب وترتيب شعب يبقى ٣٣ يوم هاي احسن المدارس وماكو نقص مدرسين ولامحاضرين مضربين…
نجي للمصيبة الكبرى بعض المدارس كانت قاعات امتحانية للدور الثاني التكميلي والدور الثالث وهاي طار من دوامها اقل شي ٧ ايام يعني صفت ٢٦ يوم…
يامنطق وياعقل وياتعليم يقبل بهاي الفترة يصير فصل دراسي ولازم بي امتحانين شهريين واكمال منهج
الاخوان اللي بالوزارة خاف ناسين ترى العام الدراسي ٢٠٢١/٢٠٢٠ بعده ماخلص لان نتائج الدور الثاني التكميلي لم تعلن والبارحة تكولون ماعدنا مانع لاقامة دور ثالث
وين اليونسكو واليونسيف والامم المتحدة واللي مامتحدة من هاي المهزلة اللي تريد تدمير ما بقى من تعليم ان بقي شي
دعوة لكل تربوي لاعلاء الصوت ضد هذا التخبط والفوضى التي ضحيتها الاولى ابنائنا ومستقبل وطننا..
