مرشحات عربي ثالث متوسط 2022 – مرشحات اللغه العربيه الثالث متوسط
خطوات إجابة امتحان مادة اللغة العربية
اول ما استلم الاسئلة شنو لازم اتصرف معاهم ؟
#اولًا :- ” تبدي تجاوب الأدب “
– فأول ما تستلم الاسئلة تقلب راسًا على صفحة اسئلة الأدب ، وتعوف اسئلة القواعد ، تمام !؟
– من تطلع اسئلة الأدب لا تگعد تقراها الاسئلة كلها ثم تبدي تحل !!؟ لا دير بالك ، مثل ماعلمتك أنه ماقرا الاسئلة كلها ثم احل ، لا ، ابدي اقرا سؤال بسؤال مع الحل ” يعني اول سؤال تقرا اول فرع منو ثم مباشرةً تبدي تحل ، تكمل ثم للفرع اللي بعدو ، تقراه وتحلو ثم يلا تشوف السؤال اللي بعدو وهكذا تمام !؟
ملاحظة :-
- كل سؤال تكملو ترجع تراجع جوابك + الترك + تتأكد أنه مامخلي شي مو مجاوبو واضح !؟
- من تخلص اجوبتك بالادب ترجع هم تراجع اجوبتك مرة الخ على كيفك ولا تستعجل وهم تتاكد من افرع الترك وانك مجاوب كلشي خوش ؟
ثانيًا :- بعد الأدب اجاوب القواعد
– من تكمل اجوبة الأدب ترجع تجاوب القواعد وايضًا نفس خطوات إجابة الادب ، خوش ؟!
ثالثًا :- ” بعد ما تخلص الأدب ثم القواعد تجي هسه لاخر سؤال هو الانشاء “
– عندك فرعين عن الإنشاء ب آخر سؤال من الاسئلة ، مطلوب تجاوب واحد وتترك واحد تمام ؟ ف انت اختار اللي يناسبك وابدي جاوب.
أهم الإنشاءات المتوقعة أنه تجي :-
- العلم
- الوطن
- الاخلاق
- الاتحاد ( التعاون)
- العمل
- الكلمة الطيبة
الادبي : طلاب الادبي انتوا يكون ترتيب اجابتكم ك الآتي :- ادب ، نقد ، قواعد ، إنشاء.
ملاحظة مهمة :-
- خلي خطك واضح ومفهوم خصوصًا بالانشاء.
- جاوب كل سؤال بمكانو المخصص مثل ماعلمتك بترتيب الدفتر الامتحاني.