نصائح لترتيب الاستمارة الخاصة بك للتقديم على الكليات والمعاهد الصباحية

ترتيب الاستمارة الخاصة بك للتقديم على الكليات والمعاهد الصباحية

الخطوة الأولى هي تسوي مسودة تكتب بيها الكليات والمعاهد الي تقبل معدلك بمحافظتك او بالجامعات الي تكدر اداوم بيهن. 

وبعدها سوي ملخص للكليات او المعاهد الي ترغب بيهن وبعدها يتم الملىء إلكترونيآ. 

مع الانتباه على الملاحظات الآتية: 

لا تستعجل 

تحمل دليل الطالب

والاطلاع على الكليات والاقسام المتوفرة في الجامعة الي تكدر اداوم بيها وأقسامها. 

تحمل الحدود الدنيا لعام ٢٠١٨/٢٠١٩ + ٢٠١٩/٢٠٢٠ 

وتحدد الكليات الي قريبة على معدلك وتخليها ضمن أولياتك. لأن القبول في هذا العام سيكون مقارب الهم وخصوصا ٢٠١٨

 لازم تكون أختيارك حسب رغبتك وقناعتك مع اخذ النصائح من المقربين وأصحاب الخبرة او الاختصاص 

وفكر هواي واسأل هواي لأن أنت بهذا الوقت جاي تحدد

مستقبلك وحياتك الجديدة. 

 اسأل عن كافة تفاصيل الكلية …(( معدلات الاقسام ،،تخصصهم بالمستقبل،، بيها دراسات عليا ،، موقعها،، التشدد،، الأقسام الداخلية وكافة التفاصيل ولا تستحي من أحد بالسؤال) 

اذا كنت علمي( احيائي او تطبيقي ) لازم تكتب 50خيار(لا اقل ولا اكثر) ومن ضمنهن 10معاهد أو أكثر يكون. 

 الفرع الأدبي لازم يكون 25خيار مع 10معاهد على الاقل وتكدر تقدم 50اختيار. 

 

ألية القبول بالوزارة تكون على تسلسل استمارتك. 

يعني يجون على اول اختيار اذا يقبل معدلك يقبلونك بي. اذا ما يقبلك بي ينزل على ثاني اختيار واذا ما قبلك ينزل على الثالث وهكذا لباقي الاختيارات يما اكو اختيار يقبل معدلك من ال 50المخليهن . 

لذلك لازم تكون رغبتك بالتسلسل ،،مو الكلية الي تريدها تكتبها بالاخير لو بالنص. 

وكذلك اذا جنت تريد معهد طبي او أي معهد لازم تخلي بالبداية مو بأخر 10. وتكدر تخلي المعاهد بالوسط وبأي تسلسل عادي. 

 يرجى عدم الإسراع في التقديم (اذا قدمت اول يوم او آخر يوم ما يأثر شي على قبولك، لاتستعجل )