نبذة مختصرة عن هندسة النفط في الجامعات والكليات العراقية

 نبذة مختصرة عن هندسة النفط

أهدافها : طموح القسم تكمن في تخريج مهندسين اكفاء بتخصص هندسة النفط ووفق أحدث المناهج الدراسية العالمية المعتمدة وذلك بهدف تنفيذ المشاريع الهندسية المختلفة التي يحتاجها البلد حاليا ويكون ذلك بتوفير بيئة هندسية وتعليمية وبحثية عالية في تخصص هندسة النفط لبناء وخدمة وطنهم وابراز دور مهندسي النفط في خدمة وطنهم وفي البناء الحضاري والتقدم العلمي .

اسئلة واجوبة

شكد المعدل الي تقبله هندسة النفط ؟ 

حسب السنة السابقة 92.7 التطبيقي فقط . 

زين التعيين مالتها مركزي ؟ 

جان قبل التعيين مركزي بس اجه كتاب وكال بعد ماكو تعيين مركزي لحد ٢٠٢١ او ٢٠٢٢ بس اكيد اكو القطاع الاهلي الى هو اكثر من القطاع الحكومي . 

زين تمام اذا اتخرج وين اشتغل ؟ 

اذا تعينت عزيزي راح تشتغل بوزارة النفط وجميع الدوائر النفطية تقريبا والحقول والشركات الاهلية وتكون بكثرة خاصة بالمناطق النفطية . 

اكو هندسة نفط اهلي ؟ 

اي نعم اكو المعدل 80 فما فوق .

اكو هندسة نفط مسائي ؟ 

اي نعم اكو المعدل 85 والقسط 3,000,000 .

زين منو هو مهندس النفط ؟ 

هو الشخص المسؤول عن ادارة موقع العمل واتخاذ القرارات اللازمة ع وفق الدراسة الي درسها واكو تعين للمكاتب . 

نصيحة : شوفو هندسة النفط كدراسة يعني وسط لا سهل ولا صعب بالنسبة الي يقرا كل يوم ويتابع واهم دراسة المصادر والتطبيق موجود بالمرحلة الثالثة مو صعب جدا عادي كسمعة جدا كشخة