نبذة مختصرة عن كلية العلوم قسم الجيولوجي في الجامعات والكليات العراقية

نبذة مختصرة عن كلية العلوم قسم الجيولوجي

– مده الدراسه هي 4 سنوات ، والشهاده هي بكالوريوس ، معدلها يختلف من جامعه لجامعه ، قبلت التطبيقي 70 فما فوق والاحيائي 74 فما فوق ، ماكو كليه اهليه لكن اكو مسائي بقسط 1 مليون و 650 الف واكو موازي اقل من معدلك بـ 4 درجات وبقسط 2 مليون ، وتعيينها لحد الان مو مركزي، واذا طلعت من الاوائل فتحول هندسه نفط 

– تگدر ورا متتخرج تشتغل بهواي مجالات ووزارات بالاخص وزاره النفط او ع البيئه او مشاريع السدود او المياه ، او منقب جيولوجي بشركات التنقيب الاهليه او الحكوميه ، وتگدر هماتين تصير مدرس لماده جيولوجيا الارض للفرع التطبيقي 

– بالمرحله الاولى : تتخصص بدراسه الارض والصخور بصوره عامه ، اما باقي المراحل تدرس الطبقات وحفر الابار والرسوبيات والصخور ودراسه الفضاء والنجوم والزلازل والهزات والهيدرولوجيا ودراسه المياه والسدود والامطار وقياسه  ، بالاضافه لكيمياء المعادن الناريه والمتحجرات والجيوفيزياء لقياس الهزات الارضيه وطرق استكشاف ما موجود في باطن الارض