نبذة مختصرة عن معهد النفط في العراق

معلومات عن معهد النفط 

معهد النفط من المعاهد المهمه التابعه لوزاره النفط وليس لوزاره التعليم لذلك يكون تقديمه برابط خاص ومباشر عن طريق استماره خاصه بي ، يضم اقسام عديده ومختلفه واكيد الافضليه تكون للذكور اكثر من الاناث ، معهد النفط موجود فقط في ( البصره ، بغداد.، بيجي ، كركوك )

يعني وهم ممكن يقبل المحافظات الجنوبيه وجزء من المحافظات الوسطى 

تقبل معدل للولد من 84 فما فوق والبنات 91 فما فوق، والبنات ينقبلون بأقسام محدده ومن ضمنهن اعلى الاقسام ( يعني اختصاص يمكن للبنت العمل بي )  وقبل الفرعين بس ع الاغلب جماعه التطبيقي يعني الهم اولويه اكثر من الاحيائي ، كـراتب اول تعيين يتراوح بين 800 الى 900 الف حسب الشركه وحسب قسمك ، وكذلك بي ارباح سنويه هم حسب الشركه توصل لـ 4 او 5 مليون 

مده الدراسه سنتين وراها التدريب الميداني بالعطله يعني شهادتك تعادل 3 سنوات ، الشهاده دبلوم ، التعيين مركزي ومضمون لكن يتأخر ، ماكو اهلي ولا موازي ولا مسائي  ، اكو اهلي بس بأربيل وتعيينهم ع الشركات الاهليه  والتقديم يكون عبر رابط خاص ينزله المعهد ، والتعيين بمحافظتك عدا قسم حفر الابار تعيينه بالمحافظات الجنوبيه

نسبه قبول البنات 15% وشغلهم يكون اداري  ، توته سؤال ؟ 

 عادي يلي مو من الاوئل يكملون مسائي هندسه نفط ؟ ويدفع قسط لو لا ؟ 

ج / اي عادي يگدر يكمل ويدفع قسط وميستلم راتب ، لان ينطون راتب الهم اثناء الدراسه  

قدره 250 الف ، 150 للقسم الداخلي و 100 للطالب ، والي بدون قسم فراتبه 100 الف ، وطلاب المحافظات 250 راتبه

ورا متتخرج تتعين حسب القسم مالتك لذلك ! الراتب حيختلف حسب القسم وحسب الشركه يلي تشتغل بيها ، اما الاقسام يلي بي 

قسم النفط

قسم التالصفيه

قسم الميكانيك

قسم الكهرباء 

وكل قسم بي شعب تختلف من محافظه لأخرى 

ما يميز الطالب المتميز 

اذا طلعت من الـ 10% الاوائل بالسنتين مال معهد فتحول كليه نفط وحيخيروك بين الهندسه وبين التعيين ، يعني لازم تطلع من الربع الاول خلال 4 سنين بالكليه علمود ترجع تتعين بالنفط لكن اذا مطلعت فحينلغي العقد بينك وبين شركه النفط   ويكون حالك حال.طالب الهندسه بالنفط 

بالنسبه للدراسه ماكو شي سهل يعني الي يقره ينجح ويطلع من الاوائل بعد ، يعني الي يريد يرتب حاله ومستقبله ليتردد انو يروح معهد نفط هم تعيينه مضمون وهم دراسته سنتين بس 

وبي مخصصات وطبعاً دراسته حسب القسم بس تحتاج اجتهاد من الطالب نفسه وتحتاج ذكاء لازم تابع يوم بيومه حتا ميفوتك شي .

مقالات ذات صلة

زر الذهاب إلى الأعلى