اهم النصائح والتحفيزات قبل الامتحانات الوزاريه واثناء الامتحان للسادس العلمي والادبي

نصائح مفيده لطلبة السادس الاعدادي قبل الامتحان واثناء الامتحان الوزاري

1- قبل الأمتحان بيوم لازم ما تسهر و اكثر شيء ، تضل للساعه 11 وتنام واياك ان تفكر تبقى كل الليل تدرس لأن بهذه الحاله احسب نفسك ضعت , يعني لو يبقى عندك نص الكتاب نقوصات لازم تنام بل 11 او 10 مساءاً .

2- من تروح للأمتحان الصبح اخذ فقط قلم ومساحه و قطاطه ، يعني لاتاخذ اي كتاب حتى تراجع بيه بلطريق لأنه يشتت تركيزك , أنت راح تكول نسيت كلشي ،هذه الحاله طبيعيه وكل الطلاب يحسون نفس احساسك ، بلحقيقة انت ما ناسيئ شيئ، راح ترجعلك كل المعلومات بلأمتحان بطريقه عجيبه .

3- حاول تزيل الخوف منك قبل الأمتحان بأي طريقه لأن هو امتحان عادي و مالو داعي الخوف.

من الطرق التي استخدمتها شخصياً لأزالة الخوف هي عدم التفكير في الأمتحان نهائياً، يعني افكر بغير اشياء , والطريقه الأخرى هي حاول تسمع اي شي يشجعك مثل قرأن او شي يخص التحفيزات للدراسه والله هذه الطريقة كلش ناجحه .

4- اثناء الأمتحان،من تجيك الأسأله لا تقراها،خذلك راحه لمدة 3 دقائق حتى تزيل القلق ثم ابدأ بدعاء من قلبك و ضع الدفتر فوق الأسأله و اقرأ سؤال سؤال و فرع فرع و نقطه نقطه , يعني لاتجي تقرأ كل الأسأله مرة وحده لأن هذه الطريقه تشتتك , اقرأ فرع الأول حل وكذلك للباقي

5- واخر نصيحه هي لا تطلع من الأمتحان حتى يتم سحب الدفتر منك ، لأن هذا مصير عمرك وانت شعندك تطلع وتكعد خارج القاعه ، ما الها داعي , أبقى بلقاعه لأخر دقيقة وصدگني كل دقيقه زايدة انت راح تكتشف اخطاء عندك و تصححها، اذا مو خطأ بلحل، يكون خطأ املائي .