الاوائل ومتفوقي الكليات والمعاهد يتحول الى قسم اعلى من قسمه

معلومات قد لا تعرفها عن الطلبة الاوائل في الكليات والمعاهد

اعزائي طلبة الجامعات او الطلبة المقبلين من الجامعات ، لازم تعرفون هاي الفقرة اللي اغلبكم ميعرف شي عنها واللي هي الاوائل

اكو كليات واقسام ومعاهد اذا طلعت اول بيها تتحول الى كليات أعلى منها ، وهاي الكليات نسميها الكليات ذات المتطلبات الادنى تحول منها الى كليات ذات متطلبات أعلى

مثال على ذلك 

ما يخص الكليات

• إذا طلعت اول على المرحلة الأولى بقسم علوم الحياة فـ تكدر تحول لكلية الصيدلة أو طب الأسنان انت حر كذلك قسم علوم الكيمياء.

• الطب البيطري اذا طلعت أول بي على المرحلة الأولى فيحقلك ايضًا تحول طب أسنان 

• علوم الأرض اذا طلعت اول على المرحلة الأولى فيحقلك تحول هندسة نفط

والكثيير من الامثلة لباقي الكليات الصورة التالية

الاوائل ومتفوقي الكليات والمعاهد يتحول الى قسم اعلى من قسمه

مايخص المعاهد 

• فأذا طلعت من ال 10% الاوائل على المعهد فيحقلك تحول الى كليات اعلى مناظرة للقسم اللي تخرجت منو ف مثلا

• طلعت من الــ 10% الاوائل على معهد الطبي قسم تحليلات بعد تخرجك ( من تخلص السنتين )  فيحقلك تحول الى كلية التحليلات .. واذا انت قسم تمريض ف تحول كلية تمريض وهكذا بالنسبة لباقي الاقسام.

• مو بس أقسام المعهد الطبي .. لا اكو أيضا معاهد ادارية وتقنية اخرى تكدر تحول منهم الر كليات اعلى.

معهد الصيدلة

معهد الصيدلة بي فرصتين للتحويل 

1. اذا طلعت اول على المرحلة الأولى ف تتحول الى كلية الصيدلة.

2. اذا طلعت من ال 10% الاوائل ايضًا يحقلك تحول الى كلية الصيدلة.

اما باقي المعاهد والاقسام فقط يحقلك اذا انت من الـ 10% الاوائل …

الكليات الاهلية

• اذا طلعت الأول على دفعتك بكلية اهلية بالمرحلة الأولى أو الثانية ف راح تتحول لنفس الكلية لكن لجامعة حكومية … مثال

طلعت اول على دفعتك بكلية الصيدلة اهلي ف يحقلك تحول الى كلية الصيدلة لجامعة حكومية مجاني … وهكذا لباقي الكليات والتخصصات.

الموازي 

حسب قانون الموازي قبل وجود التخفيض ( 50%) كان اذا تطلع من الطلبة الاوائل على الدفعة يخفضولك القسط .. مثال |

1. اذا طلعت من الثلاثة الاوئل على الدفعة ككل ( موازي وغير موازي) فتحفيض يكون 100% وتنعفي من قسط الموازي بالمرحلة اللي انت بيها ( مو كل المراحل ).

2. إذا انت رابع او خامس او سادس فيتخفضلك بنسبة 75% من القسط.

3. اذا انت سابع او ثامن او تاسع او عاشر على دفعتك ف يتخفض بنسبة 50% من القسط.

هذا القانون كان موجود سابقًا قبل اقرار التخفيض حاليا ماكو لان هي الوزارة اصلا مسوية تخفيض.

كتبه سالم ال منصور ( شبكة جامعيون ) ونقله موقع الاستاذ احمد مهدي لكم