كيف اتنظم وقتك وانت بديت بالسادس الاعدادي علمي او ادبي لعام 2023
تحدد باليوم 3 مواد حسب جدول انت تحطه حسب مزاجك ، تختار الوقت الي ترتاحله تجهز نفسك وكتبك واقلامك (عامل نفسك كانما رايح للمعهد) وتفتح اليوتيوب وتكعد اتابع محاضره معينه ( لنفترض رياضيات مثلا ) خلصت المحاضره قبل متسد دفترك او ملزمتك الي قريت عليه تكوم تدرسه زين وتضبطه وتحل انت بيدك كذا سؤال وتسده اوكي خلصت هالماده انتقل لغير ماده شوف المحاضره ادرسه وضبطه وانتقل للماده البعده وهيج على هالترتيب وعلى هالمنوال يعني هي الشغله بسيطه كلش ومحتاج كل هالتعقيد الي ماخذين بي الامور .
طيب اني طالب سادس ولسه مقاري كلشي شسوي ؟
تره الحل واضح ويمك تبدي من هسه ضيعت وقت بما فيه الكفايه تبدي بالمواد الي انت ضعيف بيهن مثلا رياضيات ,كيمياء.فيزياء . او انكليزي..الخ بعد هاي انت تقرره
اغلبكم ما كاعد يدرس الاحياء والاسلاميه وماخذهم الخوف انو ينساهن شوفوا يحلوين تره هي مو بكثرة القرايه وانما بترتيبه وطريقة الدراسه وتجزئة المواد شوي شوي واهم شي تبسطون الامور وما تعقدوه لان هي متستاهل كل هالتعقيد
الاحياء والاسلاميه اذا ما عدكم وقت تقروهن هسه فلا تشيلون هم الهم (ما عندك وقت باعتبار انت كاعد تدرس 5 مواد غير الاحياء والاسلاميه مو لان انت مالك خلك تدرسهن )
بالدوام انت حتركز عليهن وتحضرهن كل يوم بيومه وما تفوت تحضير وبهل البساطه حتضبطوهن كللش لان هنه مواد حفظ بسهولة تكدر تضبطهن لان محتحتاج احد يشرحهن الك
اما بالنسبه لطلاب الخصوصي فاذا انت صدك رايد تضبط المواد فلا تخلي المحاضرات بس مجرد روحه ورجعه وبس تعب عالفاضي ادرسوا زين كل محاضره تاخذوه وخليكم حريصين ولا تضيعون وقتكم لان اغلب الطلاب من وصلت للامتحانات الوزاري كالوا هاي الجمله ( لو ادري دارس زين وي الخصوصي بصيغة ندم) فاذا انت متريد تكول هي الجمله بالمستقبل تابع وي استاذك وضبط وياه الامور .
وخليك انت رقيب نفسك واتبع الطريقه الي تناسبك لان هو ماكو طريقة محدده او وحيده عمود تضبط المواد كلمن طريقته وابداعاته بالدراسه
فخليكم مبدعين
هاي ابرز الاسئلة الشفتها بالبوت ومتكررة والقادم افضلل ومراح نقصر وياكم بأي شي .
