طريقة الخروج للسعودية بسيارتك الخاصة

السلام عليكم بخصوص الخروج للسعودية بسيارتك الخاصة
اليوم كنت بالحدود بسيارتي ورحت استفسر لحتى اكطع الشك باليقين واتاكد بنفسي

اولا / الموديل : 2014 وفوك حصراااا وبانتظار كتاب جديد يشمل موديلات اقل

ثانيا / النوع : مهم متانه ورزانه يريدون وماركه معروفه عادي كوري ياباني امريكي الماني يرهم

ثالث ا/ السنوية : عادي اذا سنويه باسمك او وكاله عندك بيها هم عادي

رابعا / عدد الركاب : ماكو اي كلام عن عدد الركاب اي سياره بيها دفتر مهما كان عدد ركابها عادي يعني الصالون مشمول ومو الا 4 ويل

خامسا / التامين : 40$ اي ما يعادل 65 الف لكل سياره

سادسا / الفيزا : تطلعها من المكاتب تكلف 250$ تقريبا وي الهيئه الي هي 50$ لكل فرد

سابعا / الطريق : من كربلاء لعرعر اني اداوم مشرف بشركة نفط قريبه عن عرعر اسوي الطريق ساعتين لان فارغ وحلو ومسافته 300 كيلو ومن الحدود للمدينه المنوره 1100 كيلو لليمشي 160 تقريبا 7 – 8 ساعات

ثامنا / البانزين : اكو 3 محطات وانت طالع من كربلاء لحد عرعر ولتر 450 بس عادي عدا الي بعرعر ب 550 والبانزين بالسعوديه 900 دينار

تاسعا / اجازة السوق : ما يحتاج اجازة سوق دولية

عاشرا / اني محاجي بكيفي هذا كلامهم والسفر بالسياره مو قصه مكلف ورخيص بس علمود المتعه وهوايه

ملاحظة : ما ننسى دفتر الاخراجيه الرقمها جنوبي يطلع من كمارك البصره والي رقمها وسط من كمارك بغداد ابو غريب والشمالي بالشمال بعد
ان شاء الله راح اطلع خلال اسبوع
منقول من م. علي الدليمي