اجراءات تجديد اجازة السوق المستمسكات المطلوبة

1- بالنسبة اجراءات تجديد الاجازة ( المستمسكات بطاقة سكن بطاقة وطنية الاجازة ) تسحب استمارة فحص طبي تاخذ صورتين تحجز  ادخال بيانات وتدقيق وتدفع رسم وتسلم الاجازة والمعاملة انتهى الموضوع.

2- اذا موظف مدني او عسكري  ما يصير يقدم على عمومي الا اذا كان صنفه بالهوية سائق سيارة كذا يعني حسب الحجم والوزن والركاب يعني يقدم ما يثبت ذلك ويحصل على اجازة عمومي .

3- اذا عندك خصوصي وتريد تحولها عمومي سواء نافذه الاجازة او غير نافذة ماكو مشكلة لكن تتقيد بالعمر يعني لازم عمرك 21 اذا عمومي وايضا حسب وزن المركبة وحجمها هنا لازم تختبر نظري وعملي حصرا بالكير العادي بالاضافة الى بقية الاجراءات سحب استمارة وادخال بيانات وتدقيق ورسم … الخ .

4- ما يصير لاول مرة تقدم على عمومي ابدا ما يصير لازم عندك اجازة خصوصي يعني اذا عمرك فوق 21 وقدمت على خصوصي تكدر ثاني يوم تقدم على عمومي لكن تعيد نفس الاجراءات وتختبر بالكير العادي .

5- القوات الامنية بالتجديد بدون فحص طبي ما مطلوب منهم فقط مطلوب بالاجازة اذا كانت لاول مرة يقدم عليها اما بالتجديد ما مطلوب الفحص الطبي .