طريقة اسئلة الوزاري مادة التربية الاسلامية 2023 صف السادس الاعدادي

 
س1/ أحكام النون الساكنة والتنوين موضوع كلش سهل وثابت بالوزاري اول ما تستلم الاسئلة راح تشوف اول سؤال بوجهك منطيك آيات اثنين تستخرج الكلمة وتنطي نوعها والسبب وبس وهيج تكون ضمنت اول 10 درجات بجيبك.

س2/ يا اما ينطيك سور اثنين من الي موجودات عدكم ويكلك اجب عن اولاً او ثانياً او ينطيك تفسير لأية قرانية ويريد الآية  انت شسوي تحفظ السور الي عندك ما بقى عدكم بس 3 سور بعد الحذف وسهلات كلش وتجاوب على على السؤال واهم شي الحركات وعادي الحركات حتى إذا بس الحركات الأساسية مثلا فوك كل كلمة حركة او اثنين هم مطلوبة بالوزاري وهم اكثر ترتيب وجمالية وهيج نضمن 20 درجة بالجيب بكل سهولة .

س3/أ / التفسير ينطيك 4 آيات ويكلك جاوب 3 او ينطيك 3 ويكلك جاوب 2 ويريد التفسير مالتهم انت بس تدرس التفسير مال الآيات الي عدكم وتحفظهم وتجاوب على تفسير الآية فقط وخلو شغلة بالكم ( التفسير مو آلة نصاً من الكتاب الأهم يكون ضمن تفسير موضوع الآية وبدون زيادة واجتهادات منكم ) وهم ترا شغلة كلش سهلة تفسير حسب فهمكم وعليها 15 درجة لازم نخليهم بالجيب .

س3/ب/ المعاني كلش سهلة ينطيك 6 كلمات يكلك جاوب 5 وفقط معاني آيات الحفظ مو كل المعاني وتجيكم كلمات واضحة مو صعبة تاخذلك بيهم 5 درجات وانت مغمض.

س4/ الأحاديث النبوية الشريفة تجي 3 أفرع مثلاً :

أ_ يطلب منكم حديث نبوي شريف من الي عدكم بقو عدكم بس 3 أحاديث بس وعلية 5 درجات.

ب_ يطلب منكم توضيح موضوع من ضمن تفسير الأحاديث النبوية الشريفة وع الأغلب من اسئلة المناقشة وعلية 5 درجات .

ج_ نفس فرع ( ب ) بالضبط ايضاً يطلب منكم توضيح لموضوع معين وفقط من تفسير الحديث النبوي الشريف وعلية 5 درجات.

س5 / التهذيب ما بقى عدكم بس 3 مواضيع بالوزاري ينطيك 3 أفرع ويكلك تجاوب 2 او ينطيك 2 وتجاوب على واحد ويجي عليهم بالوزاري 15 درجة.

س6/ الأبحاث ينطيك 3 أفرع تجاوب 2 يطلب منكم توضيح لموضوع معين او تفسير او ما الهدف…. الخ وايضاً مو شرط نصا نسخ ولصق كلام الكتاب لا احفظ الي بالكتاب بس مو شرط نصاً لان اصلاً هوة تفسير ف يعني مو شرط نصاً الكلام بس اهم شي يكون ضمن إطار الموضوع والسؤال وبالنسبة للابحاث ما بقى عدكم بس موضوعين عليهم 20 درجة بالوزاري.

شارك_للفائده 
خاص لـ علي العبيدي : #سادسيون