معلومات مهمة لطلاب السادس عن اعادة السنة الدراسية لغرض تحسين معدل او ضبط المواد او الاستعداد وغيرها

بخصوص اللي يكول لا تعيد وبالنسبة الثانية ميصيرلك واهس تقرا وتجيب معدل اقل وليش تروح سنة من عمرك ، طبعاً هذا الكلام أبد مو صح هذا الكلام صارت كلام ومفهوم تقليدي وخاطئة بمجتمعنا للأسف ، لان هل شي يعتمد على الطالب نفسه يكدر يجتهد آكثر وميدير باله لمواضيع الواهس ، وبخصوص سنة يروح من عمرك ، فـ احب اكوللهم هذا مستقبلي خلي سنة تروح من عمري وسنة اتعب ولا اتعب كل عمري ، طبعاً اني محاجي الكم عن حياتي أبد للعلم اني بسنتين يلا كملت سادس بـ اول سنة صارت عندي ضروف جبرتني ما أمتحن كل المواد واعيد سنة، تعرفون الي صار شنو ؟ صارت عكس اللي الناس يحجوها مال تتعب ومتجيب معدل أعلى ، بالعكس شفت بالسنة الثاني اني دارس المواد وشفت راح اتعلم من اخطائي واصححهم وصارت عندي خبرة بالمواد اكثر وكسرت حاجز خوف وقلق تجربة الامتحان الوزاري  ، والحمد لله صعدت معدلي 27 درجة عن اول سنة

شخصياً اعرف طلاب وأصدقاء بالاعادة جابوا معدلات اعلى وحققوا احلامهم ، تره هي الوقت والسنة تروح تروح على كل حال ، وليش ما أحقق حلمي مو احسن ؟ واعيش حياتي بـعدها مثل ما أحب ، وحتى اذا ما حققت اللي تريده فـ انت سويت اللي عليك فـ اكيد رب العالمين كتبلك شي بي خير الك ، واذا تقرون منشوري مال ذاك اليوم بعنوان #اختيارات_الله تعرفون شنو معنى كلامي 

وصدكوا هواي طلاب من عبروا الـسـادس ونجحوا بيهم يتمنون يرجعون للسادس حتى يجيبون معدلات اعلى ويروحون لـ كليات اعلى ، وهذا  الشعور متعرفها هسه حـ تعرفها من تطلع من السادس ودكول اني شنو جان تفكيري من جنت بالسادس وهسه شنو تفكيري ودكول هذا مستقبلي شلون افرط بيها واني منو بحالي ؟! وتفكير ووجهة نظر الناس يتغير مايبقى نفس ما هو

قرار الاعادة شوكت تقررها ؟ 

يُفضل تقررها أثناء امتحانات الدور الثاني وتشوف نفسك تحقق اللي تريده ولا تقطع الآمل ابد ابد حتى رب العالمين يوفقك فـ أتمنى تكعدون ويا نفسكم وتفكرون وتقررون هل قرار بنفسكم وحسب قناعتكم ، أحبكم

نسيت انو تذكر شي ثاني انو الشخص لازم يضل يجاهد لاخر نفس مو يكعد يشوف مادتين امتحنها بدور الاول ويكول هذوه راح اعيد يله سد الكتب وينتظر الدوام لا لازم يحاول ويدرس للدور الثاني بكل قوة وكانه مصيره حيتغير بهلايام لان الاعادة ما لعبة ولا شي حلو بلعكس كلش ينظر الطالب من يعيد اذا كانم اصدقائو نجحم وطلعم ويشوف اشخاص اصغر منه يداومون معه انتا المفروض تنشره بعد الدور الثاني ما هسه لان هسه حتى الي م يريد يعيد راح تدخل بباله وهو يدرس وعقله راح يخدعه ويصير يسخت وجاي احجي عن تجربه

اكيد ، واني ليش كلت اثناء امتحانات الدور الثاني يلا يقرر ، لان ممكن يجيب المعدل الي يريده

المصدر : عـلي الـسورجي

شبكة السورجي التعليمية