كيفية أملا استمارة القبول المركزي 2023

-لا تستعجل في التقديم استمارة القبول المركزي 2023 تبقى مفتوحة اكثر من شهر ونص ونفس الشي اذا اول او اخر واحد قدمت

– لا تقدم على استمارة القبول المركزي 2024 ذوي الشهداء وانت ما عندك شهيد لان ما راح يطلعلك قبول

-اذا عندك شهيد راجع المؤسسة الشهداء همة يوضحون الك آلية التقديم

-لا تقدم َمحافظات وانت ما تكدر تروح محافظات يعني ترا يطلعلك جدا عادي ، وإذا تكدر تروح محافظات قدم عادي ماكو  مشكلة

-لا تخلي كليات أعلى من معدلك ب ١٠ و١٥ درجة عود تريد تجبر الوزارة تنطيك كلية مثلما تريد .. ترا ما راح يطلعلك قبول بهيج حالة

-لا تخطئ بالترتيب رتب حسب رغبتك

-رتب استمارة التقديم الإلكتروني حسب رغبتك وامشي على معدلات العام ناشرها فوك

-لا تقدم بكيفك اذا ما تعرف خوش؟ قدم يم مكتب انت رتب الاختيارات بورقة وقلم وقدم يم مكتب او اي شخص يعرف بالتقديم

– تعلم كيف املأ استمارة القبول المركزي، خلي كليات أعلى من معدلك بـ7 درجات بعدين اقل بعدين نفس َمعدلك عادي يصير بعدين اقل من معدلك

-يصير ما تقدم حكومي بس اهلي او مسائي عادي إذا تريد أهلي أو مسائي

-كلية القانون يحق لك داخل محافظتك فقط وغير كليات عادي وين ما تقدم يصير

-كلية الهندسة تكتب القسم مثلا جامعة بغداد هندسة مدني – معماري – نفط

-المعهد الطبي تكتب بس المعهد والقسم هما يعطونك قسم حسب معدلك من تنقبل بالمعهد… ما عدا قسم التمريض تكتبه

-الي يقدم تربية انكليزي يكتب (الجامعة بغداد كلية التربية قسم اللغة الانكليزية) لان قسم انفصل عن التربية صار بوحدة يعني مو بس تكتب الجامعة الفلانية كلية التربية! لا تحدد القسم لازم -1999 وفوك صباحي… 1998 وجوا مسائي واهلية

-طلاب الدور الثاني التقديم استمارة التقديم على الجامعات يبقى مفتوح حتى تمتحن انت وتطلع نتيجتك وتقدم براحتك.. واذا تريد تقدم هم يصير الأفضل تنتظر

-اذا قدمت وتريد تعدل استمارتك يحقلك تعيد تقديمك مرة وحدة فقط