شرح نظام السعي السنوي لطلاب المدارس للعام الدراسي الجديد 2022

اولاً هذا القرار يشمل المرحلة الاعدادية

اللي راح يصير كالآتي :

راح تمتحن شهر اول + شهر ثاني  ( وراح تتقسم على 2 ) 

وتطلعلك نتيجة معدل الفصل الاول

بعدهه راح تمتحن نصف سنة

بعد نصف السنة ايضاً راح تمتحنون

شهر اول + شهر ثاني ( وتتقسم على 2 ) 

وتطلعلك نتيجة معدل الفصل الثاني

بهاي الحالة صارت عندك ٣ درجات ( معدلات ) بالشهادة

1. معدل الفصل الاول ( اللي ناتج من الشهر الاول والثاني )

2. معدل نصف السنة

3. معدل الفصل الثاني ( اللي ناتج ايضاً من الشهر الاول والثاني )

هاي ال 3 معدلات راح تتقسم على 3

وتطلعلك درجتك من 100 ( اسمه السعي السنوي للطالب ) 

بعدها راح تمتحن امتحان اخير ( مصيري ) هو امتحان نهاية السنة من 100

هنا اكو طلاب راح تسأل شكد احصل بنهاية السنة وانجح؟

عزيزي بعد ماقسمو ال ٣ معدلات اللي ذكرتهن بالاعلى على ٣

وطلعت درجتك من ١٠٠

مهما كانت درجتك لازم توصل ١٠٠ مع امتحان نهاية السنة يلا تنجح يعني شلون؟

يعني كمثال جبت 60 من 100 بالمعدل النهائي ( السعي السنوي ) 

بهاي الحالة يحتاجلك تجيب بأمتحان نهاية السنة 40 من 100 وتنجح

مثال ثاني جبت 90 من 100 بالمعدل النهائي يحتاجلك تجيب بأمتحان نهاية السنة 10 من 100 بس حتى تنجح

مثال ثاني ( حتى اخليكم تملون ) جبت 30 من 100 

يحتاجلك بنهاية السنة تجيب 70 من 100 يلا تنجح

وبهاي الحالة قبل جان اكو نظام اسمه الاعفاء الي هو اذا تاخذ درجات من 90 وفوك في السعي السنوي تنعفي بهاي المادة يعني ميحتاج تمتحن اخر السنة بيها 

شنو فرقه عن نظام الكورسات

اولاً امتحان نصف السنة : حتى لو رسبت بنصف السنة امر طبيعي مايحتاج تمتحن دور ثاني على عكس ماكان يصير بنظام الكورسات

ثانياً امتحان نهاية السنة : بأمتحان النهاية راح تمتحن بالكتاب كامل ( الجزء الاول والجزء الثاني ) على عكس ماكان يصير بنظام الكورسات 

لأن بنظام الكورسات بالكورس الثاني تمتحن بالجزء الثاني فقط من الكتب

ايجابيات هذا القرار 

يخليك جاهز الصف السادس اعدادي 

يعني تتعود على قراءة الكتب بشكل كامل