نبذة مختصرة عن معهد النفط
– تقبل معدل للولد من 84 فما فوق والبنات 91 فما فوق 👷🏻.، والبنات ينقبلون بأقسام محدده ومن ضمنهن اعلى الاقسام ( يعني اختصاص يمكن للبنت العمل بي ) 💁🏻♀ ويقبل الفرعين بس ع الاغلب جماعه التطبيقي يعني الهم اولويه اكثر من الاحيائي ، كـراتب اول تعيين يتراوح بين 800 الى 900 الف حسب الشركه وحسب قسمك ، وكذلك بي ارباح سنويه هم حسب الشركه توصل لـ 4 او 5 مليون 🌚💔
– مده الدراسه سنتين وراها التدريب الميداني بالعطله يعني شهادتك تعادل 3 سنوات ، الشهاده دبلوم ، التعيين مركزي ومضمون لكن يتأخر 🌚🍀 ، ماكو اهلي ولا موازي ولا مسائي ❌❌❌ ، اكو اهلي بس بأربيل وتعيينهم ع الشركات الاهليه والتقديم يكون عبر رابط خاص ينزله المعهد ، والتعيين بمحافظتك عدا قسم حفر الابار تعيينه بالمحافظات الجنوبيه
– نسبه قبول البنات 15% وشغلهم يكون اداري ، سؤال ؟ 🤔
عادي يلي مو من الاوئل يكملون مسائي هندسه نفط ؟ ويدفع قسط لو لا ؟
ج / اي عادي يگدر يكمل ويدفع قسط وميستلم راتب ، لان ينطون راتب الهم اثناء الدراسه 🌚💔
قدره 250 الف ، 150 للقسم الداخلي و 100 للطالب ، والي بدون قسم فراتبه 100 الف ، وطلاب المحافظات 250 راتبه
تعيين خريج معهد النفط ؟
– ورا متتخرج تتعين حسب القسم مالتك لذلك ! الراتب حيختلف حسب القسم وحسب الشركه يلي تشتغل بيها ، اما الاقسام يلي بي ☝️🏻 :
♦️ قسم النفط
♦️ قسم التصفيه
♦️ قسم الميكانيك
♦️ قسم الكهرباء
وكل قسم بي شعب تختلف من محافظه لأخرى
– اذا طلعت من الـ 10% الاوائل بالسنتين مال معهد فتحول كليه نفط وحيخيروك بين الهندسه وبين التعيين 😐♥️ ، يعني لازم تطلع من الربع الاول خلال 4 سنين بالكليه علمود ترجع تتعين بالنفط لكن اذا مطلعت فحينلغي العقد بينك وبين شركه النفط 🛢 ويكون حالك حال.طالب الهندسه بالنفط
كيف طريقة دراسة معهد النفط ؟
– بالنسبه للدراسه ماكو شي سهل يعني الي يقره ينجح ويطلع من الاوائل بعد 🌐 ، يعني الي يريد يرتب حاله ومستقبله ليتردد انو يروح معهد نفط هم تعيينه مضمون وهم دراسته سنتين بس !
وبي مخصصات وطبعاً دراسته حسب القسم بس تحتاج اجتهاد من الطالب نفسه وتحتاج ذكاء لازم تابع يوم بيومه حتا ميفوتك شي .