شنو معناة النظام الفصلي بعد الغاء نظام الكورسات في مدارس العراق 2022

اولاً هذا القرار يشمل المرحلة الاعدادية حاليا واحتمال في السنوات القادمة يشمل المتوسطة ايضا

اللي راح يصير كالآتي : الك انت كطالب

راح تمتحن شهر اول + شهر ثاني  ( وراح تتقسم على 2 ) قبل جانت فترة كورس اول هسه الغت

وتطلعلك نتيجة معدل الفصل الاول

بعدهه راح تمتحن نصف سنة

بعد نصف السنة ايضاً راح تمتحنون

شهر اول + شهر ثاني ( وتتقسم على 2 ) قبل جانت فترة كورس ثاني هسه الغت

وتطلعلك نتيجة معدل الفصل الثاني

بهاي الحالة صارت عندك ٣ درجات ( معدلات ) بالشهادة

1. معدل الفصل الاول ( اللي ناتج من الشهر الاول والثاني )

2. معدل نصف السنة

3. معدل الفصل الثاني ( اللي ناتج ايضاً من الشهر الاول والثاني )

هاي ال 3 معدلات راح تتقسم على 3

وتطلعلك درجتك من 100 ( اسمه السعي السنوي للطالب ) 

بعدها راح تمتحن امتحان اخير ( مصيري ) هو امتحان نهاية السنة من 100

هنا اكو طلاب راح تسأل شكد احصل بنهاية السنة وانجح؟

عزيزي بعد ماقسمو ال ٣ معدلات اللي ذكرتهن بالاعلى على ٣

وطلعت درجتك من ١٠٠

مهما كانت درجتك لازم توصل ١٠٠ مع امتحان نهاية السنة يلا تنجح ايصير عندك رصيد يفيدك بالامتحان …. يعني شلون؟

يعني كمثال جبت 60 من 100 بـ ( السعي السنوي ) 

بهاي الحالة يحتاجلك تجيب بأمتحان نهاية السنة 40 من 100 وتنجح

مثال ثاني جبت 90 من 100 بالمعدل النهائي يحتاجلك تجيب بأمتحان نهاية السنة 10 من 100 بس حتى تنجح

ملاحظة : وبهاي الحالة قبل جان اكو نظام اسمه الاعفاء الي هو اذا تاخذ درجات من 90 وفوك في السعي السنوي تنعفي بهاي المادة يعني ميحتاج تمتحن اخر السنة بيها 

شنو فرقه عن نظام الكورسات

اولاً امتحان نصف السنة : حتى لو رسبت بنصف السنة امر طبيعي مايحتاج تمتحن دور ثاني على عكس ماكان يصير بنظام الكورسات

ثانياً امتحان نهاية السنة : بأمتحان النهاية راح تمتحن بالكتاب كامل ( الجزء الاول والجزء الثاني ) على عكس ماكان يصير بنظام الكورسات 

لأن بنظام الكورسات بالكورس الثاني تمتحن بالجزء الثاني فقط من الكتب

ايجابيات هذا القرار 

يخليك جاهز الصف السادس اعدادي 

يعني تتعود على قراءة الكتب بشكل كامل