توضيح عن الاختبار النظري والعملي للحصول على إجازة السوق

 ترى كلش سهل الاختبار النظري والعملي واذا انت تسوق وطالع شارع يعني الاختبار تحصيل حاصل لا اكثر ولا اقل 

اغلب الي شفتهم فشلو بل اختبار همة  غير متهيئين لا نفسيا” ولا جسديا” ولا ثقافيا” للاختبار و70% فشلو

هاي نصائح الكم وهاي الصورة كل الاسئلة تجي منهة بلنظري 

اول شي السيارة حتستلمهة  مشتغلة  تكعد وتعدل كعدتك بحيث تكون مرتاح ومسيطر البس حزام  جيك الهاندبريك احتمال مرفوع نزلة ذبة D واطلع وامشي مترهي عل سلولي

ثاني شي انت مفروض تكون حافظ  العلامات المرورية على تقسيمهن

يعني اذا دائرة زركة شنو

اذا دائرة حمرة شنو

اذا مثلث احمر شنو

اذا مثلث ازرك شنو

احفظ الاسبقيات

احفظ الوان الرصيف

احفظ تخطيط الشارع

حتجيك ١٠ اسئلة 

٥ اختيارات

٥ صح وخطأ 

حتجيك اسئلة بديهية 

يعني مثلا تركتر كدامك يمشي بطيئ وانت ويا بلشارع بس

تجتازة لو لا

هنا لازم تباوع اكو علامة مرورية ؟ عل ضوئهة تجاوب

او اتباوع عل تخطيط الشارع يسمحلك بل اجتياز لو لا

اسئلة بديهية من تفهم الاسبقيات والعلامات والتخطيط تنجح

شغلة العملي

اول شي  تلبس حزام وتضبط كعدتك وتكون مسيطر بلكعدة

لا تمشي الة الكومبيوتر يكلك ابدأ 

امشي عل سلولي ابد لا ادوس بانزين  لان سيارات المخليهن تعبانات واحتمال متسيطر عليهة

اهم شي بل اختبار هو الرمبة والبنات تفشل بي دائما”  لان مامتعلمات عل صعدة وتوكف بلصعدة

 

لازم تصعد عليهة ٤ تايرات تجيك بلمراية الجانبية ان ال التايرات الخلفية صعدت 

 توكف تحسب لل ١٠ وراها تشيل رجلك من البريك شوية شوية  وادوس بانزين خفيف حتى ماترجع بس تعبر الرمبة يعني نجحت