طبيعة الاسئلة الوزارية مادة اللغة الانكليزية مهم للطلاب تعرف على نمط الاسئلة
السؤال الاول :- يكون عبارة عن فرعين :-
🔹 الفرع الأول :- القطعة الخارجية ( 10 درجات) ينطيك 6 اسئلة تجاوب على 5 وتترك واحد.
🔸 الفرع الثاني :- القطع الاستيعابية (10 درجات ) ينطيك 6 اسئلة تجاوب 5 وتترك واحد.
السؤال الثاني :- يكون سؤال القواعد (30 درجة ) وايضاً هو عبارة عن فرعين :-
🔸 الفرع الأول : اسئلة قواعدية ( 12 سؤال) تجاوب 10 وتترك 2 ( 20 درجة).
🔹 الفرع الثاني :- اختيارات 6 اسئلة وتترك واحد ( 10 درجات ).
السؤال الثالث :- عبارة عن ثلاثة فروع (20 درجة ) :-
🔸 الفرع الأول :- معاني او إسقاطات ( 10 درجات ) .
🔹 الفرع الثاني :- التوصيلات ( 5 درجات ) أيضاً 6 اسئلة وتترك واحد .
🔸 الفرع الثالث :- الاملاء 5 درجات أيضاً ترك نقطة .
السؤال الرابع :- هو الأدب (10) درجات ينطيك 6 اسئلة تجاوب 5 تترك واحد .
السؤال الخامس :- سؤال الإنشاءات (20 درجة) ينطيك انشاءين تجاوب على واحد.
طريقة الإجابة النموذجية في الامتحان اللغة الانكليزية
1- اول ما تستلم الاسئلة كالعادة ما تقراهم كلهم. ، لا ، اول شي تسويه تطلع سؤال الإنشاء اللي هو الاخير ( Q5) وتبدي تجاوب ، عندك انشاءين تجاوب واحد فقط.
2- بعد الإنشاء تنتقل لسؤال الأدب (Q4) وتبدي تجاوب اسئلة الأدب.
3- بعد ما تخلص الأدب تنتقل لسؤال الأول فرع B القطع الأستيعابية وتبدي تجاوبهم.
4- بعد ما تخلص القطع الأستيعابية تروح لسؤال الثالث ( Q3) تحلو بالكامل.
5- ثم بعد ما تكمل حل سؤال الثالث تنتقل لسؤال القواعد اللي هو Q2.
6- واخيرًا تبقى اسئلة القطعة الخارجية اللي سؤال الأول فرع A تخليها للنهاية.
” ملاحظات مهمة كلش “
° كل سؤال تجاوبو بمكانو المخصص بالدفتر الامتحاني واضح ؟
° تبدي الحل من يسار الصفحة مو يمينها لأن عندك انكليزي.
° لا تستعجل بالحل ابد ابد.
شارك للفائده
خاص لـ علي العبيدي : شبكة سادسيون